September 5, 2007 by Yasar K
പാരീസ് നഗരത്തില് നിന്നും കുറച്ചകലെയായി ഫ്രാന്സിന്റെ പടിഞ്ഞാറു ഭാഗത്തുള്ള, ഒരു പട്ടണത്തില് ഞാന് താമസിക്കുന്ന കാലം. ഒറ്റ തടി ആയിരുന്നിട്ടു പോലും സ്ഥലത്തെ സാമാന്യം മോശമല്ലാത്തൊരു അപ്പാര്ട്മെന്റ് തന്നെ താമസത്തിനായി ഞാന് സംഘടിപ്പിച്ചിരുന്നു.
തൊട്ടപ്പുറത്തെ ഫ്ലാറ്റിലെ താമസക്കാരുമായി ഇടപഴകുന്ന സ്വഭാവം നമ്മുടെ കൊച്ചു കൊച്ചിയില് പോലും നടപ്പില്ലാത്ത സ്ഥിതിക്കു ഭാഷ പോലും നന്നായി അറിയാത്ത ഒരു നാട്ടില് കാര്യമായി അയല് പക്ക ബന്ധം ഉണ്ടാകില്ലെന്നു ആര്ക്കും ഊഹിക്കാവുന്നതെയുള്ളൂ.
ഞങ്ങളുടെ ഫ്ലോറിലെ അയല്വാസികളെ പറ്റിയുള്ള എന്റെ അറിവ് ഇത്ര മാത്രമാണ്:
ഷെര്ലക് ഹോംസ് ഡിറ്റക്ടീവ് നൊവലിലെ ഹൌണ്ട് ഓഫ് ബാസ്കര്വില്സ് നെ ഓര്മിപ്പിക്കുന്ന പട്ടിയെയും കൊണ്ടു നടക്കുന്ന ഒരു കിളവന് സായ്പ്പ് ആണു ഒന്നാമന്, എന്തോ ഒരു മുജ്ജന്മ വൈരാഗ്യം പോലെ ഇയാളെ കാണുമ്പോള് തന്നെ എനിക്കു കലി കയറും. ഇയാള്ക്കു പിടയോ പിള്ളേരോ കാണുമെന്നു ഏനിക്കു വിശ്വാസമില്ല ഉണ്ടെങ്കില് തന്നെ ഇയാളുടെ സ്വഭാവം വച്ചു നോക്കിയാല് പണ്ടെ ഇയാളെ വിട്ടു പൊയിക്കാണും.
രണ്ടാമത്തേതു ഒറ്റക്കു താമസിക്കുന്ന ഒരു പാവം അമ്മൂമയാണ്. ഒരു ആള്സേഷ്യന് പട്ടി ഈ അമ്മൂമയെയും കൂട്ടി ഈവിനിങ്ങ് വാക്ക് നടത്തുന്നത് കാണുമ്പൊ എനിക്കു സഹതാപം തൊന്നും. എങ്കിലും ഭാഷ അറിയാത്തതിനാല് അങ്ങോട്ടു എന്തെങ്കിലും സഹായ വാഗ്ദാനം നല്കാനോ ചോദിച്ച സഹായം ചെയ്തു കൊടുക്കാനോ എനിക്കു പറ്റാറില്ല.
അവസാനത്തെതു ഒരു യങ് കപ്പിള്സ് ആണ്. ഒരു യുവ സായ്പ്പും അയാളുടെ, ചന്ദനത്തില് കടഞ്ഞെടുത്ത പോലോത്ത അതി സുന്ദരിയായ ഭാര്യയും. ഞാനുമായി നെരിട്ടു പരിചയം ഉള്ളത് ഇവരു രണ്ടാളുമായി മാത്രം. ശാരീരികവും സാമ്പത്തികവും മതപരവും ആയ കാരണങളാല് ഞങ്ങള് നല്ല സുഹൃത്തുക്കള് ആയി. ആഴ്ചയില് ഒരു ഡിന്നര് എങ്കിലും ഇവരുടെ വകയായി കിട്ടുന്നതു ശാരീരികമായും, എകദേശം ഒരു അഞ്ഞൂറ് യൂറോ വരുന്ന ഒരു സോഫാ സെറ്റ് ഫ്രീ ആയി അവര് തന്നതു സാമ്പത്തികമായും എനിക്കു ഗുണം ചെയ്യുന്നതോടൊപ്പം മതപരമായ കാരണങ്ങളാല് ഞാന് സേവിക്കാതെ ഇവര്ക്കു കൊടുക്കുന്ന എനിക്കു പാരിതോഷികമായി കിട്ടിയിരുന്ന മദ്യവും ഞങ്ങള് തമ്മിലെ ബന്ധത്തിനു മാറ്റ് കൂട്ടി.
***
കാര്യങ്ങള് ഇങ്ങനെയൊക്കെ പോകുന്നതിനിടെയാണ് എന്റെ ഒഫീസിലേക്കു ഒരു ഫോണ് കോള് വരുന്നത്. എത്രയും പെട്ടന്നു എന്റെ അപ്പാര്ട്മെന്റില് എത്താന് പോലീസുകാരാണു വിളിക്കുന്നത്.. അന്യ നാട്ടില് താമസിക്കുമ്പോള് ഇങ്ങനെ ഒരു ഫോണ് വന്നാല് ആരായാലും ഞെട്ടും. പോലീസുകാര് വിളിക്കാന് മാത്രം വലിയ കുരുത്തക്കേടുകളൊന്നും ഞാന് ഇവിടെ ഉണ്ടാക്കിയിരുന്നില്ല എന്ന്നു എനിക്കു ഉറപ്പാണ്,
പക്ഷെ തുടര്ന്നു വായിക്കുക
Tags: അനുഭവം, കഥ, ടൈഗര് സമാചാര്, മലയാളം
Posted in france, paris, story, tigersamachar, അനുഭവം, കഥ, മലയാളം | 9 Comments »
November 21, 2009 by Yasar K
ന്യൂസിലാന്ഡിലേക്ക് വരുമ്പോള് എന്നെ അലട്ടിയത് ഇവിടത്തെ മലയാളികളെ കുറിച്ചുള്ള ഭയമായിരുന്നു, ഫ്രാന്സില് ഇല്ലാതിരുന്ന -മലയാളികള് എന്ന- പുതിയൊരു വെല്ലുവിളി ഇവിടെ നേരിടാന് പോകുകയാണ്. എന്റെ മുന്പില് രണ്ടേ രണ്ടു ഓപ്ഷന് മാത്രം, ഒന്നുകില് കാനഡ അല്ലെങ്കില് ന്യൂസിലാന്ഡ്, രണ്ടും മലയാളികളാല് സമൃദ്ധം, തമ്മില് ഭേദം തൊമ്മന് എന്ന നിലക്കാണ് കിവിനാടു തിരഞ്ഞെടുത്തത്. അതെ കേരളമാകുന്ന വറ ചട്ടിയില് നിന്നും എരിതീയിലേക്കുള്ള ഒരു മാറ്റം. ആ എരിതീയില് എണ്ണയോഴിക്കുന്ന നിലക്കായിരുന്നു എന്റെ ആശാന്റെ ഒരു ഇമെയില് വന്നത്. ആള് ജര്മ്മനിയിലാണ്, എന്നെ എയര്പോര്ട്ടില് സ്വീകരിക്കാന് എന്റെ നാട്ടില് നിന്നുമുള്ള ആശാന്റെ ഒരു ശിങ്കിടിയെ അയക്കാമെന്നും! അന്നുമുതല് ദുസ്വപ്നം കണ്ടിരുന്നത് എന്നെ കൂട്ടാന് വരുന്ന മലയാളിയുടെ ഭീകര രൂപമായിരുന്നു.
എല്ലാ സ്വപ്നങ്ങളും യാഥാര്ത്ഥ്യം ആകണമെന്നില്ലല്ലോ, എന്റെ പ്രതീക്ഷക്കൊത്ത ഒരു മലയാളിയെയും ഇന്നേ വരെ കണ്ടിട്ടില്ല. കഴിയുന്ന ഉപകാരമാല്ലാതെ പ്രതീക്ഷിച്ച ഒരു ഉപദ്രവവും എനിക്ക് ഇതുവരെ കിട്ടിയിട്ടില്ല. പ്രത്യേകിച്ച് എന്നെ കൂട്ടാന് വന്ന ആ തുടര്ന്നു വായിക്കുക
Tags: അനുഭവം, ടൈഗര് സമാചാര്, നര്മ്മം, ന്യൂസിലാന്ഡ്
Posted in kerala, malayalam, new zealand, tigersamachar, wellington, അനുഭവം, ജീവിതം, നര്മ്മം, ന്യൂസിലാന്ഡ്, മലയാളം | 4 Comments »
November 17, 2009 by Yasar K
കഴിഞ്ഞ മാസം വെസ്റ്റ്ഫീല്ഡ് ഷോപ്പിംഗ് മാള്ളിലെ ജസ്റ്റ്-കട്സ് എന്ന് പേരുള്ള ഒരു ഒസ്സാന് കടയില് (ക്ഷൌര കടയില്) നിന്നും മുടിവെട്ടിയപ്പോള് കിട്ടിയ ഒരു റെസിപ്റ്റ് ഇന്നലെയാണ് ഞാന് ശ്രദ്ധിച്ചത്, വെറുതെ ഒരു നേരമ്പോക്കിന് അതെടുത്ത് ഒന്ന് വായിച്ചു നോക്കി. അതില്, അവളുമാര് ക്ഷൌരത്തിനു ഏഴു ദിവസത്തെ ഗ്യാരണ്ടി നല്കുന്നുണ്ട് എന്നും അതിനായി ആ റെസിപ്റ്റ് സൂക്ഷിക്കണമെന്നും നിഷ്കര്ഷിക്കുന്നുണ്ട്. കേട്ടാല് സിമ്പിള് എന്ന് തോന്നാം. പക്ഷെ വെട്ടിക്കഴിഞ്ഞ മുടിക്ക് എങ്ങനെയാ ഗ്യാരണ്ടി നല്കുന്നത്? ഏഴു ദിവസത്തേക്ക് മുടി വളരില്ലെന്നോ അതോ ഏഴു ദിവസം കൊണ്ട് മുടി പഴേ പടി ആകുമെന്നോ. മൊട്ടയടിക്കാനാണ് പോയതെങ്കില് മൊട്ടതലക്കും ഇവര് ഗ്യാരണ്ടി നല്കുമോ ആവൊ. ആരെങ്കിലും ഒന്ന് വിശദീകരിച്ചു തന്നാല് ഈ മുടി(ഞ്ഞ) സംശയം ഒന്ന് മാറുമായിരുന്നു.
ഉപയോഗിച്ച അടിവസ്ത്രം അടക്കം ട്രേഡ്മി-യില് ലേലം വിളിച്ചു വാങ്ങുന്ന ടീംസ് ഉള്ള ഈ നാട്ടില് ഇതല്ല ഇതിനപ്പുറവും നടക്കും എന്നാണു ഒരു സുഹൃത്ത് എന്റെ ചോദ്യത്തിന് മറുപടിയായി പറഞ്ഞത്. വില്ക്കുന്നവനോ നാണമില്ല..എന്നാല് തുടര്ന്നു വായിക്കുക
Tags: അനുഭവം, new zealand
Posted in അനുഭവം, ജീവിതം, നര്മ്മം | 5 Comments »
November 12, 2009 by Yasar K
.
ഒന്പതാം ക്ലാസ്സില് ബയോളജി ടീച്ചര് അടിച്ചു കസറുകയാണ്… രക്തത്തിന്റെ ധര്മ്മവും അതിന്റെ ആവശ്യകതയുമൊക്കെ പറഞ്ഞു ആവേശം കയറിയ ടീച്ചര്, രക്തം ഇല്ലാതെ ജീവിക്കാന് പറ്റില്ല എന്ന പ്രസ്താവനയോടെ പ്രസംഗം നിര്ത്തി.
ക്ലാസ്സിലെ അത്യാവശ്യം ബുദ്ധിയുള്ള കുട്ടിയായ ഇബുവിനു ഒരു സംശയം.. അല്ല ടീച്ചറെ ഈ കൂറക്കൊന്നും രക്തമില്ലല്ലോ, പിന്നെങ്ങനെയാ അവറ്റകള് ജീവിക്കുന്നത്?…
ടീച്ചരുറെ മറുപടി വൈകിയില്ല….
കൂറയുടെതൊക്കെ ഒരു ജീവിതമാണോടാ മരക്കഴുതേ…
Tags: നര്മ്മം, മലയാളം
Posted in biology, school, science, tigersamachar, ജീവിതം, നര്മ്മം, മലയാളം | 4 Comments »
November 8, 2009 by Yasar K
ഇത് വെല്ലിംഗ്ടന് മലയാളികളെ ഉദേശിച്ചു പോസ്റ്റിയതാണ്. മറ്റുള്ളവര് ഇത് വായിച്ചു വെറുതെ എന്തിനു സമയം വേസ്റ്റ് ആക്കണം!!!
അതിഗംഭീരമായിത്തന്നെ വെല്ലിംഗ്ടനിലെ മലയാളികള് ഇന്നലെ ക്രിസ്മസ് ആഘോഷിച്ചു. ഒരു കണക്കിന് നോക്കിയാല് ഈ വര്ഷം ഭൂമിയില് ഏറ്റവും ആദ്യം ക്രിസ്മസ് ആഘോഷിക്കുന്ന സമൂഹം ഇവിടത്തെ മലയാളികള് തന്നെയായിരിക്കും, പലരും നാട്ടില് പോകുന്നത് കൊണ്ടാണ് പരിപാടി ഇത്രേം നേരത്തെയാക്കിയത് എന്നാണു വിവരം കിട്ടിയത്. ഗിന്നസ് ബുക്കില് കയറിക്കൂടാന് അപേക്ഷ ഉടന് കൊടുക്കും എന്ന് ജോഷിയും അപ്പുക്കുട്ടനും ഒക്കെ പറയുന്നുണ്ട്. വന്നു വന്നു അടുത്ത വര്ഷം ഓണവും ക്രിസ്മസും ഒന്നിച്ചു നടത്തികളയുമോന്നാ എന്റെ പേടി. തുടര്ന്നു വായിക്കുക
Tags: അനുഭവം, ക്രിസ്മസ്, മലയാളം, new zealand
Posted in festival, malayalam, new zealand, tigersamachar, wellington, xmas, അനുഭവം, മലയാളം | 3 Comments »
November 6, 2009 by Yasar K
സ്വന്തം അനുഭവങ്ങള് മാത്രം എഴുതിയാല് വായിക്കുന്നവര്ക്ക് ബോറടിക്കുമെന്നും കഴിഞ്ഞ മാസം ദുബായിയില് ഒരാള് എന്റെ ഡയറികുറിപ്പ് വായിച്ചു ബോറടിച്ചു മരിച്ചു എന്നൊക്കെയാണ് ആള്ക്കാര് പറയുന്നത്. വെല്ലിംഗ്ടന് മലയാളികളുടെ ക്രിസ്മസ് പരിപാടിക്ക് വേണ്ടി ഡാന്സും പാട്ടും മറ്റും പ്രാക്ടീസ് ചെയ്തു മനുഷ്യന് വയ്യാതായിരിക്കുന്നു. അതിന്റെ മേലെ ഇനി കൊലക്കുറ്റത്തിന് ദുബായ് പോലീസ് വക അടി മേടിക്കാനുള്ള ആരോഗ്യമില്ല. അതുകൊണ്ട് ഈ പോസ്റ്റിനു ഞാനുമായി ഒരു ബന്ധവുമില്ലെന്ന് ഇതിനാല് അറിയിച്ചു കൊള്ളുന്നു.
ദുബായ് എന്ന് പറഞ്ഞപ്പോഴാണ് എന്റെ സുഹൃത്ത് പണ്ട് പറഞ്ഞ ഒരു ദുബായ് കഥ ഓര്മ്മ വരുന്നത്. അത് കഥയല്ല യാഥാര്ത്ഥ്യം ആണെന്നാണ് ഇന്നും ഞാന് വിശ്വസിക്കുന്നത് കാരണം മലയാളികളെ പറ്റി എനിക്ക് അത്രയും മതിപ്പാണ്. പ്രത്യേകിച്ച് ഈ എന്നെ പറ്റി തന്നെ.
മനുഷ്യസ്നേഹിയായ ഒരു അറബി തുടര്ന്നു വായിക്കുക
Tags: കഥ, നര്മ്മം, മലയാളം
Posted in dubai, email, kerala, malayalam, tigersamachar, കഥ, നര്മ്മം, മലയാളം | 5 Comments »
October 30, 2009 by Yasar K
എന്റെ ആശാന് കുറെ കാലമായി ഒരു ശിഷ്യനെ അന്വേഷിച്ചു നടക്കുന്നു. എങ്കിലും ആശാന്റെ ആശക്കൊത്ത ഒരാളെ ഇതുവരെ കിട്ടിയിട്ടില്ല. പലരും കോണ്ടാക്റ്റ് ചെയ്യുന്നുണ്ടെങ്കിലും, എല്ലാം ഒത്തു വന്നാല് ടോഫെല് സ്കോര്(TOEFL score) കുറഞ്ഞതിനാല് നിരസിക്കുന്നു. അല്ലേലും ഈ ആശാന്റെ ആഗ്രഹം ഇച്ചിരി കൂടുതലാ…
അതെന്തോ ആയിക്കോട്ടെ, ആശാനായി ആശാന്റെ പാടായി…
എന്നാലും മറ്റുള്ളവരുടെ കാര്യത്തില് അനാവശ്യമായി ഇടപെടാനുള്ള മലയാളിയുടെ ആ ആഗ്രഹം അടക്കി നിര്ത്താന് ചിലപ്പോള് എനിക്ക് പറ്റില്ല. ദൈവം മലയാളിക്കു കനിഞ്ഞു നല്കിയ ഒരു അനുഗ്രഹമാനല്ലോ അത്…
ഇതില് എനിക്ക് ചോദിക്കാന് അല്പം ന്യായവും ഉണ്ട്. കാരണം, ഞാന് ഇങ്ങോട്ട് വരുമ്പോള് ഇദ്ദേഹം ടോഫലും – കീഫലും ഒന്നും ചോദിച്ചില്ല. ഇപ്പോള് എന്താ ഇതിന്റെയൊക്കെ ഒരു അത്യാവശ്യം …എന്നോടു ഇങ്ങനത്തെ വല്ല കിണാപ്പും എഴുതാന് പറഞ്ഞിരുന്നേല് ഞാന് എന്റെ വഴിക്ക് പോകുമായിരുന്നു എന്ന് ആശാന് ഒരു ഉള്വിളി ഉണ്ടായിക്കാണണം..
ഇന്നലെ ഞാനും ജിബുവും ഇക്കാര്യം ചര്ച്ച ചെയ്തു…
നിന്നെ എടുത്തതില് പിന്നെ ടോഫല് ഇല്ലാതെ ആളെ എടുത്താല് കുഴപ്പമാണെന്ന് ആള്ക്ക് മനസ്സിലായിക്കാണും എന്ന് ജിബുവിന്റെ ന്യായമായ അഭിപ്രായം…
എനിക്കും തോന്നി ജിബു പറഞ്ഞത് ശരിയാണെന്ന്. കാരണം ബീഹാറില് നിന്നും കേരളത്തില് കൊണ്ടുവന്ന ആനകളെ പോലെ നടക്കാന് പറയുമ്പോള് ഇരിക്കുക, നിക്കാന് പറയുമ്പോള് ഓടുക തുടങ്ങിയ എന്റെ കോപ്രായങ്ങള് അദ്ദേഹത്തിന് മടുത്തു കാണണം. എന്തിനു കാശ് കൊടുത്തു കടിക്കുന്ന പട്ടിയെ വാങ്ങണം എന്ന് ആശാന് കരുതിയാല് തെറ്റ് പറയാന് പറ്റില്ലല്ലോ.
ഏതായാലും ആശാന് ഒരു സഹായമാകട്ടെയെന്ന നിലക്ക് എന്റെ വകയും ഒരു പരസ്യം …ദാ പിടിച്ചോ…
നല്ല ടോഫെല് സ്കോര്, നല്ല സൗന്ദര്യം, നല്ല സ്വഭാവം, ഇടതൂര്ന്ന തലമുടി, വിടര്ന്ന കണ്ണുകള് എന്നിവ ഒത്തു ചേര്ന്ന ഐശ്വര്യവതികളായ ഏത് പെണ്കുട്ടികള്ക്കും ഇവിടെ അപ്ലൈ ചെയ്യാം അല്പം ഫിസിക്സ് അറിയണമെന്ന് മാത്രം.
അല്ല പിന്നെ, ആണുങ്ങള് മാത്രം കയറിക്കൂടാന് ഇതെന്താ സെമിനാരിയോ???
ദൈവത്തിനുള്ളത് ദൈവത്തിനു കൊടുക്കാന് മറക്കരുതല്ലോ: ഇത്രേം നല്ല ഒരു ആശാനെ നല്കിയ അല്ലാഹുവിന് സര്വസ്തുതിയും. കോഴിക്കോട് ഹജ്ജ് ഹൌസ് ഉദ്ഘാടനം ചെയ്യുമ്പോള് അച്ചുതാനന്ദന് പറഞ്ഞ പോലെ ജിബുവിനുള്ളത് ഞാന് വേറെ വച്ചിട്ടുണ്ട്.
Tags: അനുഭവം, ഗവേഷണം, ടൈഗര് സമാചാര്, നര്മ്മം, മലയാളം
Posted in english, malayalam, new zealand, phd, physics, science, tigersamachar, toefl, wellington, അനുഭവം, നര്മ്മം, മലയാളം | 10 Comments »
October 24, 2009 by Yasar K
നാട്ടിലെ ഓട്ടോറിക്ഷ റോഡില് നിന്നും വെട്ടിക്കുന്നത് പോലെയുള്ള ന്യൂസിലാന്ഡിലെ പ്രവചനാതീതമായ കാലാവസ്ഥയില്, യാത്ര ആവുന്നത്ര കുറക്കാമല്ലോ എന്ന് കരുതിയാണ് ഓഫീസിനു അടുത്തുള്ള ഒരു വീട്ടില് സഹവീടന്റെ(flatmate) ഒരു ഒഴിവുണ്ട് എന്ന് കേട്ടപ്പോള് ഒരു കാര് വാങ്ങുന്നത് വരെ നല്ല ഒരു ഓപ്ഷന് ആണെന്ന നിലക്ക് അതിനോട് താല്പര്യം തോന്നിയത്.
അതിന്റെ ഉടമസ്ഥനായ കിവിയുടെ[ന്യൂസിലാന്ഡ്കാരെ പൊതുവേ അങ്ങനെയാണല്ലോ വിളിക്കാറ്] കൂടെ ഷെയര് ചെയ്തു ഉപയോഗിക്കണം. കിടപ്പ് മുറി വേറെ വേറെ ഉണ്ടെങ്കിലും ബാക്കിയെല്ലാം – ടോയിലറ്റ് അടക്കം – ഷെയര് ചെയ്യണം എന്നൊക്കെയാണ് ചട്ടം.
വീടിനെ പറ്റി സുഹൃത്ത് വിവരിച്ചത് കേട്ടപ്പോള് താജ് മഹലിന്റെ അത്രയൊന്നും വരില്ലെങ്കിലും മൈസൂര് കൊട്ടാരത്തെക്കാള് ബെറ്റര് ആയിരിക്കും എന്ന് തോന്നി. മാത്രമല്ല, അവിടുത്തെ ഗൃഹനാഥന് (landlord) ഒരു മഹാനായ മനുഷ്യനാണെന്നും, സ്ഥലത്തെ പ്രധാന മാന്യന്മാരില് ഒരാളാണെന്നും ഒക്കെയാണ് സുഹൃത്ത് പറഞ്ഞു തന്നത്. ടൌണില് വച്ച് ഒരു വൈകുന്നേരം ആ മാന്യനെ ഒന്ന് കണ്ടു.
ആള് ജോലി ചെയ്യുന്നത് ഒരു UK ബെയ്സ്ഡ് കമ്പനിയില് ആണ് – അതും ഓണ്ലൈന് ആയി. മൂങ്ങകളെ പോലെ പകല് ഉറക്കം രാത്രി ജോലി.. കേട്ടപ്പോള് എനിക്ക് വല്ലാത്ത അസൂയ തോന്നി..രാവിലെ ഉറങ്ങാന് ഉള്ള ഒരു സുഖം ഒന്ന് വേറെ തന്നെയല്ലേ? രാവിലെ കഷ്ടപ്പെട്ട് എണീക്കുന്നതിനു പകരം സുഖമായി മൂടിപ്പുതച്ചു കിടന്നുറങ്ങാമല്ലോ..എന്തൊരു ഭാഗ്യം സിദ്ധി്ച്ചവന് ! ആ ഭാഗ്യവാനോട് കുറച്ചു നേരം സംസാരിച്ച ശേഷം അടുത്ത ദിവസം വീട് കാണാന് വരാം എന്ന് പറഞ്ഞു ഞങ്ങള് തിരിച്ചു..
പിറ്റേന്നു തന്നെ ആ മണി മാളിക കാണാന് വേണ്ടി പുറപ്പെട്ടു തുടര്ന്നു വായിക്കുക
Tags: അനുഭവം, ടൈഗര് സമാചാര്, നര്മ്മം, മലയാളം, വീട്, flatmate, kiwi, new zealand
Posted in flatmate, malayalam, new zealand, tigersamachar, wellington, അനുഭവം, നര്മ്മം, മലയാളം, വീട് | 5 Comments »
October 19, 2009 by Yasar K
ഒരു ദിവസം രാവിലെ കണ്ട കാഴ്ചയാണ്..
അയല്പക്കത്തെ ഒരു കുട്ടി KV ലൈനില് എന്തോ എറിഞ്ഞു പിടിപ്പിക്കാന് ശ്രമിക്കുന്നു. കുറച്ചു നേരം നോക്കി നിന്ന ശേഷം, അടുത്തു ചെന്ന് കാര്യം തിരക്കി.
അവന് തന്റെ വീട്ടില് സാധനങ്ങള് കൊണ്ട് വരുന്ന പ്ലാസ്റ്റിക് കവറുകളെല്ലാം ഒന്നാകി കെട്ടി അതിന്റെ അറ്റത്ത് ഒരു കല്ല് കെട്ടി ലൈനില് എറിഞ്ഞു കുടുക്കിയിടാനുള്ള പരിപാടിയാണ്. ..
അവന്റെ ന്യായത്തിന് മുന്പില് ഞാന് മുട്ട് മടക്കി..
പ്ലാസ്റ്റിക് കത്തിച്ചാല് അന്തരീക്ഷ മലിനീകരണം, പറമ്പില് കൂട്ടിയിട്ടാല് ഭൂമി മലിനീകരണം, പുഴയില് കൊണ്ട് പോയി ഒഴുക്കിയാല് ജല മലിനീകരണം ..
ആകെ ചെയ്യാന് പറ്റുന്നത് ഇത്ര മാത്രം.. ..
കെ വി ലൈനില് പ്ലാസ്റ്റിക് തൂക്കിയിടാന് പാടില്ലെന്ന് ആരും പറഞ്ഞിട്ടില്ലല്ലോ..
Tags: കഥ, ടൈഗര് സമാചാര്, നര്മ്മം, മലയാളം
Posted in india, kerala, malayalam, story, technology, കഥ, നര്മ്മം, മലയാളം | 3 Comments »
September 25, 2009 by Yasar K
കഴിഞ്ഞ ആഴ്ച എന്റെ സുഹൃത്ത് മാമു (ദിലീപ്) അയച്ചു തന്ന “10 ജാഡ ടിപ്സ്” എന്ന തലക്കേട്ടോറെയുള്ള ഒരു ഇമെയില് ഞാന് ഇവിടെ പുനരാഖ്യാനം ചെയ്യുന്നു . വര്ഷങ്ങളോളം വിദേശത്ത് കഴിഞ്ഞ ഒരു സുഹൃത്ത് അനുഭവത്തിന്റെ വെളിച്ചത്തില് പറയുന്ന കാര്യങ്ങള് തള്ളിക്കളയാന് പാടില്ലല്ലോ.
***
വിദേശത്ത് നിന്നും നാട്ടില് വരുന്ന ചെട്ടന്മാര്ക്കായി മാമുവിന്റെ പത്തു ഉപദേശങ്ങള് ഇങ്ങിനെയാണ്..
1. നാട്ടില് വന്നത് മുതല് തിരിച്ചു പോകുന്നത് വരെ പെട്ടിയിലെ എയര് റൂട്ട് എഴുതി ഒട്ടിച്ച ടാഗ് നീക്കാതിരിക്കുകപെട്ടി സ്വീകരണ മുറിയില് തന്നെ സൂക്ഷിക്കുക.
2. എപ്പോഴും നാട്ടിലെ ചെളി, പൊടി , റോഡില് തുപ്പുന്ന വിവരമില്ലാത്ത നാട്ടുകാര് തുടങ്ങിയവയെ പറ്റി ധാര്മിക രോഷത്തോറെ സംസാരിക്കുക.
3. ഹോട്ടലില് പോയാല് പാത്രം ചൂടുവെള്ളത്തില് കഴുകാന് ആവശ്യപ്പെടുക, ഭക്ഷണത്തില് എരിവ് കൂടുതലാണെന്ന് പരാതിപ്പെടുക. ചായക്കടയിലാനെന്കിലും ‘finger bowl’ ചോദിക്കുക.
4. ഫ്ലൈ ഓവര്, “daylight saving time”, ബുള്ളറ്റ് ട്രെയിന് എന്നിവയുടെ ആവശ്യകതയെ പറ്റി പഞ്ചായത്ത് പ്രസിഡന്റിനെ ബോധ്യപ്പെടുത്തുക.
5. തൂക്കം പൌണ്ടിലും , ദൂരം മൈലിലും മാത്രം പറയുക. ലക്ഷം, കോടി തുടങ്ങിയവ മിണ്ടരുത് – പകരം മില്യന്, ബില്യന് എന്നിവ മതി.
6. നാരങ്ങാ മിട്ടായി വാങ്ങിയാലും, ക്രഡിറ്റ് കാര്ഡ് എടുക്കുമോന്നു ചോദിക്കണം.
7. സീറോ എന്നത് “ഓ” എന്നും യെസ് എന്നത് “യെപ്” എന്നും നോ എന്നതിന് “നോപ്” എന്നും പറയുക.
8. ടോയ്ലറ്റില് ഒരു ടിശ്ശ്യൂ ഹോള്ഡരും കുറച്ചു ടിശ്ശ്യൂ റോളുകളും സൂക്ഷിക്കുക.
9. ഭവന സന്ദര്ശനത്തിനു പോകുമ്പോള് കാപ്പിയും ചായയും കുടിക്കരുത്. നിര്ബന്ടിച്ചാല് അല്പം മിനറല് വാട്ടര് വാങ്ങി കുടിക്കുക.
10. എത്ര അസഹ്യമായി തോന്നിയാലും കാറില് വെസ്റ്റേണ് മ്യൂസിക് മാത്രമേ കേള്ക്കാവൂ.
****
ആലോചിച്ചു നോക്കുമ്പോള് ഈ മഹാന് ഈ വിദ്യ പലപ്പോഴായി ഞങ്ങളുടെ അടുത്ത് പ്രയോഗിച്ച പല സന്ദര്ഭങ്ങളും ഓര്മയില് വരുന്നുണ്ട് .
Tags: ടൈഗര് സമാചാര്, നര്മ്മം, മലയാളം
Posted in tigersamachar, നര്മ്മം, മലയാളം | 4 Comments »
August 29, 2009 by Yasar K
Today’s tigersamachar is in Malayalam. Click here for Malayalam font help. Press ‘Ctrl’ + ‘+’ for larger font.
—
ന്യൂസിലാന്ഡില് പോകുകയാണെന്ന് പറയുമ്പോള് തന്നെ ചിലരുടെ കമന്റ് മനുഷ്യരെക്കാള് എത്രയോ ഇരട്ടി ആടുമാടുകള് ഉള്ള നാടാണ് നിനക്ക് വേറെ എവിടേം പോയിക്കൂടെ എന്നൊക്കെയാണ്. എന്തായാലും ഈ ചോദിക്കുന്നവരെക്കാള് എത്രയോ മെച്ചം ഈ പറയുന്ന കാലികള് തന്നെയാണെന്ന് ഞാന് അങ്ങ് സങ്കല്പ്പിക്കും. ഒന്നുമില്ലെങ്കിലും അവറ്റകള് വേണ്ടതിനും വേണ്ടാത്തതിനും കമന്റ് അടിക്കില്ലല്ലോ… പക്ഷെ ന്യൂസിലാന്ഡില് എത്തി രണ്ടു മാസം ആയിട്ടും നാല് കാലില് നടക്കുന്ന മൂന്നേ മൂന്നു ജീവികലെയെ ഞാന് കണ്ടിട്ടുള്ളൂ, എന്റെ ആജന്മ ശത്രുവായ പൂച്ചയും, എന്റെ പേടി സ്വപ്നമായ പട്ടിയും, പിന്നെ ചില വെള്ളിയാഴ്ച്ച രാത്രികളില് ഓവര്ഡോസ് തണ്ണിയദിചുവരുന്ന എന്റെ സഹവീടനും.
ആളുകളേക്കാള് കൂടുതല് കാലികള് ഉള്ളത് കൊണ്ടും കാര്യമുണ്ട്, ഇഷ്ടം പോലെ പാല് കിട്ടുന്നുണ്ട് അതും വളരെ ചീപ് ആയി, ആളുകള് ഉള്ളത് കൊണ്ട് എന്ത് പ്രയോജനം ഉണ്ടാവാനാ..അല്പം പരദൂഷണം കേള്ക്കമെന്നതല്ലാതെ. ഇവിടെ വന്നതിനു ശേഷം വീക്കിലി രണ്ടു ലിറ്റര് പാല് ഞാന് കുടിച്ചു തീര്ക്കുന്നുന്ട്. ഓരോ വീക്കിലും വേറെ വേറെ ബ്രാന്ഡ് പാല് ടെയിസ്റ്റ് ചയ്യാന് മാത്രം ബ്രാണ്ടുകളും സൂപര്മാര്ക്കടുകളില് ലഭ്യമാണ്. ഈക്കഴിഞ്ഞ ശനിയാഴ്ച “റൈസ്” എന്ന് വെണ്ടക്കാ അക്ഷരത്തില് എഴുതിയ ഒരു പാക്കറ്റ് പാല് ഉം പിന്നെ ആങ്കര് ന്റെ ഒരു പാക്കറ്റും വാങ്ങി — മൊത്തം ആറു ഡോളര്.
ചായ ഉണ്ടാക്കിയപ്പോള് എന്തോ ഒരു പിശക് ഉള്ളതായി തോന്നി.. ചായയില് ഒരു കഞ്ഞി മറിഞ്ഞ പോലെ… പാല് കേടാവാനുള്ള സാദ്യതയോന്നും ഇല്ല. എന്നാലും ഒന്ന് ചെക്ക് ആക്കിക്കളയാം എന്ന് വച്ചു പാല് ഒന്ന് വിശകലനം ചെയ്തു.. മോശമായ സ്മെല് ഒന്നും ഇല്ല. അധികം ആലോചിക്കാന് നിക്കാതെ ഞാന് എന്റെ വഴിക്ക് പോന്നു. രാത്രി ചായ ഉണ്ടാക്കുമ്പോള് എന്റെ സഹവീടന് (ഫ്ലാറ്റ്-മേയ്റ്റ്) എന്നെ എന്തോ ഒരു പന്തികെടുള്ളപോലെ നോക്കുന്നു.. ഈ സായ്പ്പിനു എന്റെ ചായ ഉണ്ടാക്കുന്നതില് എന്തോ ഒരു പുച്ഛം ഉള്ള പോലെ.
സഹി കേട്ടപ്പോള് അവന്റെ അക്കൌണ്ടിലേക്ക് മലയാളത്തില് നാല് തെറി ട്രാന്സ്ഫര് ചെയ്ത ശേഷം എന്താ ആക്ച്വലി കാര്യം എന്ന് അന്വേഷിച്ചു.. അപ്പോയാ അയാള് പറയുന്നത് കഞ്ഞി വെള്ളം കൊണ്ട് ചായ ഉണ്ടാക്കുന്നവനെ അയാള് ആദ്യമായി കാണുകയാണെന്ന്. അപ്പോഴാണ് എനിക്ക് ഇന്നലത്തെ ആ കഞ്ഞിചായയെ ഓര്മ്മ വന്നത്. ദിവസവും അടുക്കളയില് നിന്നും വെസ്റ്റ് ആക്കുന്ന, ഭൂമി മലയാളത്തിലെ അടുക്കളകളിലെ പ്രധാന ഉപോല്പ്പന്നം ആയ കാടി ആണല്ലോ ദൈവമേ ഞാന് കാശ് കൊടുത്തു വാങ്ങിയത്…
ഇത്രേം ആടുമാടുകള് ഉണ്ടായിട്ടും ഇവന്മാര്ക്ക് ഈ അരിപ്പാല് അഥവാ “കാടി” പാലിനൊപ്പം വച്ച് വില്ക്കേണ്ട വല്ല ആവശ്യവും ഉണ്ടോ? . വെറുതെയല്ല ഇങ്ങോട്ട് വരുമ്പോള് നാട്ടുകാര് ചോദിച്ചത് – നിനക്ക് വേറെ എവിടേം പോയിക്കൂടെ???
Tags: അനുഭവം, കഥ, ടൈഗര് സമാചാര്, നര്മ്മം, മലയാളം
Posted in malayalam, new zealand, story, tigersamachar, wellington, അനുഭവം, കഥ, നര്മ്മം, മലയാളം | 11 Comments »
